krossgata

krossgata

Af hverju ekki nafn?  Það geta verið margar góðar gildar ástæður fyrir því. 

• Til dæmis gæti sá með skáldaða nafnið starfað við viðkvæmari málefni mannlegs samfélags og það sé hreinlega óskynsamlegt að skrifa undir skírnarnafni/eiginnafni. 
• Persónan með skáldaða nafnið hefur hugsanlega ekki þörf fyrir að skrif hennar séu lesin vegna þess hver hún er, né vekja athygli á sjálfri sér.
• Persónan með skáldaða nafnið getur verið háöldruð netpersóna og sjóuð í menningu netsins og vill halda því áfram.
• Persónan með skáldaða nafnið gæti hafa komist að því að þeir sem skrifa undir meintum nöfnum eru ekki allir allir þar sem þeir eru séðir og hafa ekkert merkilegra að segja en hinir og nöfnin gefa orðum þeirra ekki dýpri merkingu.
• Gælunöfn/skálduð nöfn eru skemmtileg og segja í sjálfu sér heilmikið.

Þessir með skálduðu nöfnin eru reyndar bara í minnihlutahópi á blog.is en ekki annars staðar á netinu.  Ég fyrir mitt leyti nota ekki eigið nafn af því ég hef svo gaman af því að tilheyra minnihlutahópi. 

Krossgata getur hins vegar gefið upp eiginnnafn, sé þess óskað og fyrir því færð gild rök.  Umsóknir um þær upplýsingar skulu sendast á gloin1st@excite.com, í þríriti og innihalda:  nafn og kennitölu umsækjanda, stutt æviágrip, lífsýni og fingraför.