Sérstakar lausnir, af hverju?

Þetta er örugglega jafn hættulegt og öll önnur úrræði.  Þú ert líklega jafn dauður ef þú lendir á naglamottu á 200 km hraða eins og ef þú lendir á einhverjum bíl einhvers annars sem á sér einskis ills von, á sama hraða.  Skiptir það annars máli hvað lögreglan notar til að stöðva fólk á þessum hraða, hvort sem það er bíll eða hjól og viðkomandi ætlar greinilega ekki að stoppa? 

Mér virðist að það sé sama hvað lögreglan gerir það verður allt snarvitlaust yfir því að mega ekki nota sínar eigin heimatilbúnu umferðarreglur, sem snúast um að eiga forréttindi í umferðinni, stofna mínu lífi og annarra í hættu.  Nú ef við hin dirfumst að benda á að við séum ósátt við þessar heimatilbúnu sérreglur, t.d. svigið á hvítu línunni milli akreina til þess að komast fram úr umferðinni, hærri hámarkshraði en aðrir í landinu þurfa að búað við þá er það tillitsleysi og einelti.  Af hverju ættu að gilda sérreglur fyrir bifhjólamenn/-konur?

Sérstakt hraðaksturssvæði er örugglega bráðsniðugt og gaman að nota.  Af hverju byggja áhugamenn um slíkt þá ekki þannig svæði?  Af hverju ætti ríkið eða sveitarfélög að rétta þeim það upp í hendurnar?  Af því þeir hóta annars að halda áfram að nota sér umferðarreglur fyrir sig og terrorisera almenning í umferðinni, þar til þeir fá það? (eins og ofdekraðir frekir krakkar).  Hins vegar mun slíkt svæði, hver sem byggir það, ekki koma í veg fyrir að þessir nokkru svörtu sauðir (hvort sem um ræðir ökuníðinga á bílum eða bifhjólum) níðist á umferðarlögum og -reglum.

 Af hverju er annars bifhjólaklúbbur að mæla með þessari aðferð gegn öðrum bifhjólamönnum sem hafa framið glæp eða munu fremja glæp?

Einu sérlausnirnar sem ég sé að ökuníðingar er að þeir fái sér þroska til að geta verið í samfélagi með öðru fólki.  Það er líklega hættuminnsta lausnin.

Varað við naglamottum

Athugasemdir

[Árni Sigurður Pétursson, 20.6.2007 kl. 14:38]

"Sérstakt hraðaksturssvæði er örugglega bráðsniðugt og gaman að nota.  Af hverju byggja áhugamenn um slíkt þá ekki þannig svæði?  Af hverju ætti ríkið eða sveitarfélög að rétta þeim það upp í hendurnar?"

 afhverju ættu ríki og sveitarfélög ekki að styrkja þessa tegund íþróttar (akstursíþróttir) einsog aðrar

[krossgata, 20.6.2007 kl. 15:34]

Eru þetta þá bara akstursíþróttir sem þetta fólk er að stunda í umferðinni?  Ó ó, þá snýr þetta auðvitað allt öðru vísi við og auðvitað eiga þeir að fá að setja líf og limi allra í kringum sig í hættu svo þeir geti stundað sína íþrótt.   

Það er eitt að styrkja og annað greiða og gera að fullu.  Ég legg reyndar að jöfnu hvort ökuníðingarnir eru á bíl eða bifhjóli og "eins og aðrar akstursíþróttir" segirðu.  Styrktu akstursíþróttasvæðin þar sem bílar koma við sögu hafa greinilega ekki skilað því að ökuníðingarnir færi hraðaksturinn þangað.

[Árni Sigurður Pétursson, 20.6.2007 kl. 16:19]

"Ég legg reyndar að jöfnu hvort ökuníðingarnir eru á bíl eða bifhjóli og "eins og aðrar akstursíþróttir" segirðu.  Styrktu akstursíþróttasvæðin þar sem bílar koma við sögu hafa greinilega ekki skilað því að ökuníðingarnir færi hraðaksturinn þangað."

ég sagði nú reyndar einsog aðrar íþróttir

já og endilega benntu mér á það hvaða akstursíþróttasvæði er styrkt af ríkinu

[Dagbjartur L Herbertsson (IP-tala skráð) 20.6.2007 kl. 16:22]

Nú eru ekki flestar aðrar íþróttir styrktar af ríkinu en skila ekki neinu í ríkiskassan, sala mótorhjóla og bíla skilar miklum tekjum til ríkisins en akstursíþróttafólk fær sára lítið fyrir sinn snúð,það hefur ekki reynt á slík svæði þar sem þaug eru ekki til.

[Friðbert (IP-tala skráð) 20.6.2007 kl. 16:28]

Alveg er ég hjartanlega sammála því sem segir í þessari grein.

Ég hef aldrei skilið hvers vegna hraðakstur ætti eitthvað að minnka við það að keypt yrði sérstök kappakstursbraut undir rassgötin á ökuníðingum. Þetta er álíka og að negla golfkúlum á Laugaveginum og heimta svo að ríkið borgi fyrir mann golfvöll til að maður geti hætt að leggja samborgara sína í lífshættu.

[Árni Sigurður Pétursson, 20.6.2007 kl. 17:14]

ætlar þúi Friðbert semsagt að halda því fram að allir sem að vilji aksturbraut séu stanslaust akandi of hratt og skapandi hættu ?

ég vill einmitt fá þessa braut til þess að eiga kost á því að geta gert það, þar sem að ég geri það ekki útí umferðinni þar sem að aðrir eru, já og eiga von á stórsektum og álíka,

en málið er bara svo einfalt að það eru töluverðar líkur á því að hraðakstur mundi minnka við það, ég er alls ekki að segja að hann kæmi til með að hætta, en mitt mat er það að hann mundi minnka

[Boggi (IP-tala skráð) 20.6.2007 kl. 18:57]

Sammála Árna í því sem hann er að segja.

[Sigurjón, 22.6.2007 kl. 21:05]

Ég held að málið sé að þótt braut yrði byggð, myndi hraðakstur á almennum götum ekki aukast.  Þeir sem þannig eru þenkjandi, gera það hvort sem er; hinir ekki.  Það er svo alveg sjálfsagt að styrkja eitthvað gerð slíkra brauta.  Það er alla vega gert erlendis.  Af hverju ekki hér á landi?