Frændi minn....

Er þetta ekki fullmikið af tengingum við að Íslendingar séu miðpunktur alheimsins?  Þetta er bara hreint agaleg grein.  Það er eins og 9 ára barn hafi skrifað. 

"Það er sko frændi minn sem var þarna alveg bara akkúrat þegar þetta gerðist.  Eða hann Siggi sko, hann er giftur konu sem var einu sinni gift frænda mínum.  Hann alla vega keyrði framhjá Hull rétt áður en byrjaði a rigna.  Gvuð, hugsið ykkur ef hann hefði nú verið aðeins seinna á ferðinni og það hefði verið byrjað að rigna í Hull.  Hann hefði getað lent í flóði".

Er ekki hægt að segja fréttir án þess að Íslendingar hafi komið þar nærri?

Þúsundir manna hafa flúið flóð í Bretlandi - Íslendingur segist aldrei hafa séð annað eins

Athugasemdir

[Björn Jóhann Guðmundsson, 26.6.2007 kl. 17:05]

Einmitt...... Maður drukknaði nálægt skrifstofu íslensk manns........  Hvaða rugl er þetta eiginlega? ég veit eiginlega ekki hvað ég á að segja, þvílikt kjaftæði og hvað kemur þetta einhverju við?

[Guðríður Hrefna Haraldsdóttir, 27.6.2007 kl. 22:03]

Hhahaha! Þegar ég var í námi fórum við í bekknum og fengum að tala við Pál Magnússon sem þá stjórnaði fréttum á Stöð 2. Hann sagði að það yki áhuga Íslendinga á erlendum fréttum ef einhvers staðar væri hægt að troða Íslendingi inn í fréttina. Veit ekki hvort ég er sammála honum að öllu leyti, það er hálfmóðgandi að það þurfi alltaf að matreiða fréttir ofan í mann. 

Hún Steingerður, bloggvinkona mín með meiru er krossgátuséní á Sunnudagskrossgátuna. Mamma líka og hringir stundum í Steingerði til að fá eitt og eitt orð. Þið ættuð að stofna til bloggvináttu.